LUNGSOD NG MALOLOS, Bulacan, Hullyo 2 (PIA) -- Tututukan
ngayon ng
Department of Trade and Industry (DTI) ang pagpapaunlad ng
small and
medium enterprises (SMEs) sa pamamagitan ng pagpaprayoridad
sa mga
produktong agrikultural bilang pangunahing sangkap at
materyal.
Ayon kay Zorina ‘Rhine’ Aldana, Provincial Director ng DTI
sa Bulacan,
“nakapokus kami ngayon sa mga SME na agrikultural ang
kanilang hilaw
na materyales o raw materyales. Ito ay ayon sa binuong
Industry
Cluster Strategic Initiatives ng economic cluster ni
Pangulong Benigno
S. Aquino III na naglalayon na mas tulungan kung sinong
sektor ang mas
nangangailangan.”
Ipinaliwanag pa
ni Aldana na layunin nito na hindi lamang manitili sa
agrikultura ang
mga magsasaka kundi maging isang agri-entrepreneur.
“Kapag kasi ang
isang produktong agrikultural ay naiproseso, mas
competitive sa
merkado. Nagiging industriya ang agrikultura bilang
Agribusiness o
negosyo sa sakahan,” aniya pa.
Partikular sa mga
produktong agrikultural na palalakasin sa
pamamagitan ng Industry Cluster Strategic Initiatives ay ang
kape,
kalamansi, dairy, kawayan, mangga, bangus, at manok.
Sa hiwalay na panayam naman kay Kinatawan Joselito R.
Mendoza ng
Ikatlong Distrito ng Bulacan, binigyang diin nito na,
“malaking
oportunidad ito
lalo na sa distrito dahil nandito ang malaking bahagi
ng production area ng Bulacan. Kumpleto kami rito mula sa mga high
value commercial
crops o paggugulayan sa San Ildefonso, paghahayupan,
manukan at Manggahan sa San Miguel, mga saging at kape ng
Dona
Remedios Trinidad (DRT) at Kesong Puti ng San Rafael. Food
Basket nga
ang gawing ito ng lalawigan. Kaya naman dapat masigurado na
kikita ang
karaniwang magsasaka at maliliit na negosyante sa programang
ito ng
DTI.”
Kaugnay nito, isasakatuparan ang bagong istratehiyang ito ng
DTI sa
ilalim ng One Town, One Product (OTOP). Matatandaan na ang
programang
ito na naglalayong palakasin ang mga maliliit at katamtamang
negosyo.
Layunin din nito na makalikha ng tatlong milyong trabaho
mula sa
sektor na ito at upang maipakilala sa merkado ang mga
natatanging
produkto na likha sa bawat bayan at lungsod.
Samantala, nananatiling bukas ang mga government financial
institution
(GFIs) tulad ng Land Bank of the Philippines (LBP) at
Development Bank
of the Philippines (DBP) sa mga SMEs na nais magsimula o
magpalawak ng
negosyo upang mapahiram ng karampatang puhunan.
Nagkaroon ng ganitong mandato ang nasabing mga GFI’s nang
ipatupad ng
pamahalaang nasyonal noong 2008 ang Republic Act 9501 o ang
Magna
Carta for Micro, Small and Medium Enterprises. Sa puntong
ito,
makakahiram ang mga SME’s ng puhunan na may mababang
kolateral at may
pagkakataon ding
wala nang kolateral. (CLJD/SFV-PIA 3)
